ပြည်တွင်းရေကြောင်းပို့ဆောင်ရေးဌာန၏ တက္ကသိုလ်ဝင်တန်း စာမေးပွဲတွင် ဂုဏ်ထူးဖြင့် ထူးချွန်စွာ အောင်မြင်ခဲ့သည့် ဝန်ထမ်းသားသမီးများအား ဂုဏ်ပြုချီးမြှင့်ခြင်းနှင့်နိုင်ငံ့ဂုဏ်ဆောင် အားကစားသမား(၃)ဦး အားဂုဏ်ပြုချီးမြှင့်ခြင်း။
ပြည်တွင်းရေကြောင်းပို့ဆောင်ရေးဌာန၏ ၂၀၂၂-၂၀၂၃ ပညာသင်နှစ် တက္ကသိုလ် ဝင်တန်း စာမေးပွဲတွင် ဂုဏ်ထူးဖြင့် ထူးချွန်စွာ အောင်မြင်ခဲ့သည့် ဝန်ထမ်းသားသမီးများအား ဂုဏ်ပြုချီးမြှင့် ခြင်း၊ ၂၀၂၃-၂၀၂၄ ပညာသင်နှစ်တွင် အခြေခံ ပညာမူလတန်း/ အလယ်တန်း/ အထက်တန်းတို့တွင် ပညာသင်ကြားလျက်ရှိသည့် ဝန်ထမ်းသားသမီးများအား ထောက်ပံ့ ကြေးငွေပေးအပ်ခြင်းနှင့် (၃၂)ကြိမ်မြောက် အရှေ့တောင်အာရှ အားကစားပြိုင်ပွဲသို့ ဝင်ရောက်ယှဉ်ပြိုင်ခဲ့သည့် ပြည်တွင်းရေကြောင်းပို့ဆောင်ရေးမှ ဘောလီဘောအားကစား သမား(၃)ဦးအား ဂုဏ်ပြုချီးမြှင့်ငွေပေးအပ်ပွဲ အခမ်းအနားကို ရန်ကုန်မြို့ ပြည်တွင်းရေကြောင်းပို့ဆောင်ရေး(ရုံးချုပ်)ကွပ်ကဲခန်းမတွင် ၂၀၂၃ ခုနှစ်၊ ဇွန်လ(၁၅)ရက်၊ နေ့လည် (၁၅း၀၀)နာရီ ကျင်းပပြုလုပ်ခဲ့ပါသည်။
